हैदराबादच्या संध्या थिएटरमध्ये पुष्पा २ चित्रपटाच्या प्रीमियर शो दरम्यान चेंगराचेंगरी झाल्याने एका महिलेचा दुर्दैवी मृत्यू झाला, तर तिचा मुलगा गंभीर जखमी झाला आहे. या घटनेमुळे मोठा गोंधळ उडाला असून, पुष्पा २ चित्रपटातील मुख्य अभिनेता अल्लू अर्जुन याला या प्रकरणी पोलिसांनी अटक केली आहे.
४ डिसेंबर रोजी, हैदराबादमधील RTC क्रॉसरोड्स परिसरातील संध्या थिएटरमध्ये अल्लू अर्जुनच्या चाहत्यांची मोठी गर्दी जमली होती. अभिनेता स्वतः प्रीमियर शोमध्ये हजेरी लावणार असल्याची बातमी समजताच, थिएटरच्या व्यवस्थापनाने गर्दी नियंत्रणात ठेवण्यात अपयश आले. चेंगराचेंगरीत ३५ वर्षीय रेवती यांचा मृत्यू झाला, तर तिचा ७ वर्षीय मुलगा गंभीर जखमी आहे.
The letter clearly tells that, Telangana Police have acknowledged & approved ‘@alluarjun ’ to visit the theatre,
— YSR (@ysathishreddy) December 13, 2024
Now whose mistake it is to not maintain the crowd at the theatre? Why give the permission, when you are not capable of maintaining the crowd?#AlluArjunArrest… pic.twitter.com/oYMqcswXco
या घटनेनंतर थिएटर व्यवस्थापन, अल्लू अर्जुन आणि त्याच्या सुरक्षाकर्मचाऱ्यांवर निष्काळजीपणाचा आरोप ठेवण्यात आला आहे. हैदराबाद पोलिसांनी अल्लू अर्जुन याला चौकशीसाठी ताब्यात घेतले असून, थिएटर व्यवस्थापनाला देखील नोटीस बजावली आहे.
या घटनेवर प्रतिक्रिया देताना अल्लू अर्जुनने आपल्या सोशल मीडिया पोस्टद्वारे दु:ख व्यक्त केले. “संध्या थिएटरमधील या दुर्दैवी घटनेमुळे माझे मन खूपच हेलावले आहे. रेवतीच्या कुटुंबीयांसाठी माझ्या संवेदना व्यक्त करतो व या कठीण प्रसंगात त्यांना सर्वतोपरी मदत करण्याचे आश्वासन देतो,” असे तो म्हणाला.
गर्दी व्यवस्थापनातील त्रुटींमुळे प्रेक्षकांच्या जीवाला धोका कसा पोहोचतो, याचा हा प्रकार गंभीर इशारा आहे. भविष्यात असे प्रकार टाळण्यासाठी थिएटर व्यवस्थापनाने योग्य उपाययोजना करणे गरजेचे आहे.
सध्याच्या तपासात पोलिस सर्व शक्य कोन तपासत आहेत. अल्लू अर्जुनवर कोणते आरोप ठरतात हे पाहणे महत्त्वाचे ठरणार आहे.