अमिताभ बच्चन यांच्या आवाजात “जियो… जिओ…” असा घोष सर्वत्र ऐकू येतो. पण येत्या काही दिवसांत मुंबईकरांना या घोषणेचा अर्थ वेगळा वाटणार आहे. कारण रिलायन्स इंडस्ट्रीजचे प्रमुख मुकेश अंबानी यांचे धाकटे सुपुत्र अनंत अंबानी आणि राधिका मर्चंट यांचा विवाहसोहळा मुंबईत होणार असून या भव्य समारोहाला Jio World Centre हे भव्य स्थळ मंडप होणार आहे.
मुकेश अंबानी आणि मर्चंट यांच्या मुलांचा विवाहसोहळा पारंपरिक हिंदू पद्धतीनुसार होणार आहे. या विवाहसोहळ्याच्या मुख्य कार्यक्रमांना 12 जुलै 2024 पासून शुभारंभ होणार आहे. पहिल्या दिवशी शुभ विवाह मुहूर्त असून लग्नसोहळा संपन्न होणार आहे. त्यानंतर 13 जुलै रोजी शुभ आशीर्वाद समारंभ तर 14 जुलै रोजी मंगल उत्सव म्हणजेच लग्नसमारोहाचा रिसेप्शन होणार आहे. या सर्व कार्यक्रमांसाठी मुंबईच्या मध्यवर्ती भागात असलेल्या Jio World Centre हे ‘वेडिंग डेस्टिनेशन’ बनणार आहे.
Jio World Centre हे मुंबईतील सर्वात आधुनिक आणि भव्य व्यापार प्रदर्शन केंद्र आहे. बांद्रा-कुर्ला कॉम्प्लेक्स (BKC) मध्ये वसलेले हे केंद्र अत्याधुनिक सुविधांनी सुसज्ज आहे. मोठ्या संख्येने लोकांची राहण्याची व्यवस्था, आंतरराष्ट्रीय दर्जाचे प्रदर्शन हॉल, विस्तृत मोकळ जागा, तसेच आलिशान हॉटेल अशा अनेक सुविधांनी Jio World Centre सुसज्ज आहे. यामुळे अंबानींच्या या भव्य विवाहसोहळ्यासाठी हे स्थान अतिशय उपयुक्त ठरत आहे.
अंबानींच्या या लग्नसोहळ्यात देशातील प्रमुख उद्योगपती, राजकीय नेते, चित्रपटसृष्टीतील दिग्गज आणि आंतरराष्ट्रीय पाहुणे येण्याची शक्यता आहे. त्यामुळे या अतिथींच्या स्वागताची आणि राहण्याची व्यवस्था Jio World Centre मध्येच केली जाण्याची शक्यता आहे. या सोहळ्याची तयारी जोरात सुरू असून मुंबई शहरात लग्नाच्या रंगात रंगून जाणार ह्यात काही शंका नाही.
Singer Justin Bieber will perform at Anant Ambani and Radhika Merchant’s wedding festivities in Mumbai. He arrived in the city on Thursday, July 4. Videos of his entourage of cars were shared by paparazzi on social media. Radhika Merchant is set to marry Anant Ambani on July 12. pic.twitter.com/XxdWny5uKh
— JioNews (@JioNews) July 4, 2024
अंबानी कुटुंबाचा हा विवाहसोहळा गाजावायचा अजून एक मुद्दा म्हणजे जस्टिन बिबर (Justin Bieber) याचा संगीत कार्यक्रम! अशी अफवा आहे की, या भव्य विवाहसोहळ्यात जस्टिन बिबर थेट परफॉर्मन्स देणार आहे. त्याच्या परफॉर्मन्समुळे हा सोहळा आणखीनच चांगलाच गाजणार आहे!