भारतीय रस्त्यांवर इलेक्ट्रिक वाहनांची संख्या झपाट्याने वाढत आहे. आता या वाढत्या लोकप्रियतेमध्ये आणखी भर टाकण्यासाठी BMW Motorrad भारतात 24 जुलै 2024 रोजी त्यांचे प्रीमियम इलेक्ट्रिक स्कूटर CE 04 लाँच करण्यास सज्ज आहे. ही बातमी इलेक्ट्रिक स्कूटरची वाट पाहणाऱ्यांसाठी नक्कीच आनंददायक आहे.
BMW CE 04 हे जर्मन इंजिनिअरिंग आणि अत्याधुनिक तंत्रज्ञानाचे उत्तम उदाहरण आहे. हे स्कूटर आकर्षक डिझाइन, शक्तिशाली परफॉर्मन्स आणि पर्यावरणपूरक टेक्नॉलॉजी यांचे संयोजन आहे. हे पहिले प्रीमियम इलेक्ट्रिक स्कूटर असणार आहे.
BMW CE 04 ची वैशिष्ट्ये
- इलेक्ट्रिक मोटर: BMW CE 04 मध्ये 15 kW पर्मनंट मॅग्नेट, लिक्विड-कूल्ड सिंक्रोनस इलेक्ट्रिक मोटर आहे. ही मोटर 41 bhp ची कमाल पॉवर आणि 61 Nm टॉर्क जनरेट करते.
- बॅटरी: स्कूटरमध्ये 8.9 kWh ची बॅटरी आहे. कंपनीच्या म्हणण्यानुसार, एका फुल्ल चार्जवर ही बॅटरी 130 किलोमीटरपर्यंतची रेंज देऊ शकते.
- चार्जिंग वेळ: स्टँडर्ड चार्जरने स्कूटर फुल्ल चार्ज करण्यासाठी 4 तास 20 मिनिटे लागतात. तर फास्ट चार्जर वापरल्यास ही वेळ 1 तास 40 मिनिटांवर येऊ शकते.
- डिजाइन: BMW CE 04 चे डिझाइन आकर्षक आणि अत्याधुनिक आहे. स्कूटरचा लूक स्पोर्टी आहे आणि LED हेडलाइट्स आणि इंटिग्रेटेड टर्न इंडिकेटर्स स्कूटरला आणखी आकर्षक बनवतात.
- अत्याधुनिक वैशिष्ट्ये: स्कूटरमध्ये अत्याधुनिक वैशिष्ट्ये जसे की राइड मोड्स, टायर प्रेशर मॉनिटरिंग सिस्टम (TPMS), TFT डिस्प्ले आणि ABS आहेत.
BMW CE 04 ची भारतात अधिकृत लाँच 24 जुलै 2024 रोजी होणार आहे. कंपनीने अद्याप स्कूटरची किंमत जाहीर केलेली नाही, परंतु जागतिक बाजारपेठेतील किंमत लक्षात घेऊन ती सुमारे रु. 10 लाख (एक्स-शुोरूम) असण्याची शक्यता आहे.