दिल्लीच्या रस्त्यावर वडापाव विकून इंटरनेटवरवर धूम ठोकणारी चंद्रीका डिक्सिट आता आणखी एका कारणास्तव चर्चेत आली आहे. नुकत्याच तिने सोशल मीडियावर एक व्हिडिओ पोस्ट केला ज्यामध्ये ती आपल्या नवीन फोर्ड मस्टॅंग गाडीमध्ये फिरताना दिसत आहे. यामुळे सोशल मीडियावर खळबळ उडाली असून चर्चा रंगल्या आहेत.
फूड स्टॉलवरवर वडापाव विकणारी एक तरुणी अचानक लक्झरी कार घेतेय? हे सोशल मीडियावर अनेकांना पचनी पडले नाही. चंद्रीका डिक्सिट ही सोशल मीडियावर दिल्लीची वडापाव गर्ल म्हणून प्रसिद्ध आहे. तिच्या वडापाव बनवण्याचा आणि विकण्याचा अंदाज सोशल मीडियावर तुफान व्हायरल झाला होता. त्यामुळे तिला मोठ्या प्रमाणात फॉलोअर्स मिळाले. आता मात्र तिची ही नवीन कार चर्चेचा विषय बनली आहे.
चंद्रीकाने पोस्ट केलेल्या व्हिडिओमध्ये ती निळ्या रंगाच्या फोर्ड मस्टॅंग गाडी चालवताना दिसत आहे. या गाडीची किंमत सुमारे ८० लाख रुपये इतकी आहे. सोशल मीडियावर अनेक जण प्रश्न करत आहेत कि, रस्त्यावर वडापाव विकून इतकी महागडी गाडी कशी घेता येते? चंद्रीकाच्या सोशल मीडियावर असलेल्या फॉलोअर्समुळे ती जाहिरातींमधून आणि स्पॉन्सरशिप्सद्वारे चांगली कमाई करत असावी असा अंदाज काहीं नेटकरांचा आहे. परंतु याबाबत अद्याप कोणतीही ठोस माहिती समोर आलेली नाही.
चंद्रीकाच्या या व्हिडिओवर नेटकरांनी भरपूर कमेंट्स केल्या आहेत. काहींनी चंद्रीकाची मेहनत आणि यशस्वीतेची प्रशंसा केली आहे तर काहींनी मात्र संशय व्यक्त केले आहेत. “इतक्या महागड्या गाडीसाठी रस्त्यावर वडापाव विकायची काय गरज?” असा प्रश्न काहीं जणांनी उपस्थित केला आहे. तर काहींनी “अभिमान वाटतोय चंद्रीका तुझ्यावर” अशा कमेंट्स केल्या आहेत.
चंद्रीका डिक्सिट ही नेहमीच चर्चेत असते. सोशल मीडियावर प्रसिद्धी मिळाल्यानंतर स्थानिक प्रशासनासोबत आणि परिसरातील लोकांशी झालेल्या वादाविवादांमुळेही ती चर्चेत आली होती. अगदी पोलिसांनी अटक केल्याच्याही बातम्या आल्या होत्या (नंतर हे वृत्त खोडून काढण्यात आले). पण या वादाविवादांचा फारसा परिणाम झालेला नाही आणि चंद्रीका सोशल मीडियावर लोकप्रिय राहिली.
चंद्रीका डिक्सिट ही आगामी काळात काय करणार? ती फक्त सोशल मीडियावरच राहणार की स्वतःचा फूड बिझनेस मोठा करणार? या प्रश्नांची उत्तरे मिळणे बाकी आहेत. पण एका रस्त्यावरच्या विक्रेत्यापासून लोकप्रिय सोशल मीडिया स्टार बनलेली आणि आता लक्झरी कारची मालक बनलेली चंद्रीका डिक्सिटची ही वाटचाल पाहणे औत्सुक्याचे आहे. तिच्या यशस्वीतेमुळे अनेक तरुणांना प्रेरणा मिळणार हे नक्की. मात्र सोशल मीडियावरील फेम टिकून राहणे आणि पैशाचा योग्य विनियोग करणे हे देखील आव्हानकारक आहे. चंद्रीका यापुढे कोणता मार्ग निवडते आणि तिची कारकीर्द कशी आकार घेते हे पाहणे सगळ्यांनाच उत्सुकतेचे आहे.