आंध्र प्रदेशचे उपमुख्यमंत्री पवन कल्याण यांनी एक गंभीर आरोप केला आहे की, तिरुपती मंदिराच्या पवित्र लाडूंमध्ये प्राण्यांची चरबी, माशाचे तेल आणि डुकराचे चरबी मिसळून 1 लाख लाडू राम मंदिराच्या भूमिपूजन कार्यक्रमासाठी अयोध्याला पाठवण्यात आले. या घटनेमुळे हिंदू धर्मावर आणि त्यांच्या भावनांवर मोठा आघात झाल्याचा आरोप त्यांनी केला आहे.
या प्रकरणावर बोलताना पवन कल्याण यांनी तीव्र संताप व्यक्त केला आणि हे पवित्र स्थान, तिरुपती बालाजी मंदिर, आणि श्रद्धाळूंच्या विश्वासाशी प्रतारणा असल्याचे म्हटले आहे. त्यांनी या घटनेला ‘शक्य तितके लवकर थांबवावे आणि दोषींवर कठोर कारवाई करावी,’ अशी मागणी केली आहे.
Lord Balaji, Forgive Us!
— Deputy CMO, Andhra Pradesh (@APDeputyCMO) September 21, 2024
It has come to light that the sacred Tirumala Laddu Prasadam was contaminated with animal fat due to the actions of past ruler. To atone for this grave injustice, I will undertake an 11-day Deeksha starting on September 22, 2024. Let us restore Dharma… pic.twitter.com/WyTxEzBzkP
तिरुपती लाडू हा भारतातील सर्वात प्रसिद्ध प्रसाद आहे, ज्याला लाखो भाविकांचा आधार आहे. तथापि, गायीच्या तुपात प्राण्यांची चरबी, माशाचे तेल आणि डुकराचे चरबी मिसळल्याचे आरोप झाल्यानंतर संपूर्ण देशात संतापाची लाट उसळली आहे. पवन कल्याण यांनी लॅब चाचण्यांचा आधार घेतला असून, हे तुप तिरुपती बालाजी लाडू तयार करण्यासाठी वापरण्यात आले होते असे स्पष्ट केले आहे.
पवन कल्याण यांनी स्पष्टपणे सांगितले की, “हे संपूर्ण राष्ट्राच्या आणि धर्माच्या भावनांवर मोठा घाला आहे.” ते म्हणाले की, दोषींना कोणत्याही परिस्थितीत सोडले जाणार नाही आणि संबंधित लोकांवर कठोर कारवाई करण्यात येईल.
या प्रकरणात तिरुपती देवस्थानम बोर्डावर आणि वायएसआर काँग्रेस पक्षाच्या सरकारवर गंभीर आरोप झाले आहेत. पवन कल्याण यांनी याप्रकरणात वायएसआर सरकारची चौकशी करण्याची मागणी केली आहे, तर टीडीपीचे प्रवक्ते अनम वेंकटरमणा रेड्डी यांनी लॅब रिपोर्ट दाखवत ही माहिती मीडियासमोर आणली आहे.
या धक्कादायक घटनेनंतर, पवन कल्याण यांनी राष्ट्रीय पातळीवर ‘सनातन धर्म संरक्षण मंडळ’ स्थापन करण्याची गरज व्यक्त केली आहे, जे मंदिरांच्या सुरक्षा आणि पवित्रतेसाठी काम करेल. त्यांनी या बाबीवर सर्वधर्मीय, न्यायालयीन, आणि नागरिकांनी चर्चा करून तातडीने उपाययोजना करण्याचे आवाहन केले आहे.
तिरुपती लाडू घोटाळ्यामुळे हिंदू समाजात प्रचंड संताप आहे. पवन कल्याण यांच्या वक्तव्यामुळे हा मुद्दा राष्ट्रीय पातळीवर गाजतो आहे, आणि या प्रकरणावर कठोर कारवाईची अपेक्षा सर्वत्र आहे.