देशात इलेक्ट्रिक वाहनांची वाढती मागणी लक्षात घेऊन जेएसडब्ल्यू आणि एमजी मोटर्सने आपल्या ग्राहकांसाठी एक नवीन इलेक्ट्रिक CUV बाजारात आणण्याची तयारी केली आहे. या नव्या इलेक्ट्रिक कारमुळे भारतीय वाहन बाजारात इलेक्ट्रिक वाहनांच्या पर्यायांमध्ये भर पडणार आहे.
या नव्या इलेक्ट्रिक CUVची किंमत 20 लाख रुपयांपेक्षा कमी असण्याची शक्यता आहे. या गाडीमध्ये 50.3 किलोवॅट ताकदीची बॅटरी आणि 176 हॉर्स पॉवरची मोटार असणार आहे. या गाडीची रेंज जेडएस ईव्हीपेक्षा अधिक, म्हणजेच 461 किलोमीटरपेक्षा जास्त असण्याची अपेक्षा आहे.
JSW Group & SAIC Motor(@MGMotorIn) embark on a new Joint Venture – “JSW MG Motor India Pvt. Ltd” ushering in a new era of mobility in the country. The collaboration will capitalize on the significant opportunities emerging in the fast-evolving Indian automotive sector.
— JSW Group (@TheJSWGroup) March 26, 2024
Read… pic.twitter.com/CNeQxm25Tp
जेएसडब्ल्यू एमजी मोटर्सने याआधी जेडएस ईव्ही आणि कॉमेट या इलेक्ट्रिक कार बाजारात आणल्या आहेत. त्यांच्या यशानंतर कंपनीने आता नव्या इलेक्ट्रिक CUVच्या माध्यमातून आपली इलेक्ट्रिक वाहनांची श्रेणी वाढवण्याचा निर्णय घेतला आहे. या नव्या कारचा सामना टाटा कर्व्ह ईव्हीशी होणार आहे. या नव्या इलेक्ट्रिक सीयूव्हच्या माध्यमातून कंपनी तरुण वाहनधारकांना लक्ष्य करत आहे. या गाडीत आधुनिक तंत्रज्ञान आणि सुरक्षेच्या सर्व सुविधा असतील, अशी अपेक्षा आहे.
जेएसडब्ल्यू एमजी मोटर्सने या नव्या इलेक्ट्रिक CUVच्या बाबत अद्याप अधिकृत माहिती दिली नसली तरी येत्या काळात कंपनी याबाबत अधिक माहिती देईल, अशी शक्यता आहे. या कारच्या लॉन्चची तारीखही लवकरच जाहीर होण्याची अपेक्षा आहे.
भारतात इलेक्ट्रिक वाहनांच्या बाजारात मोठी वाढ होत असल्याने या नव्या इलेक्ट्रिक CUVला चांगला प्रतिसाद मिळण्याची शक्यता आहे. या कारच्या माध्यमातून कंपनी आपली बाजारपेठ वाढवण्याचा प्रयत्न करेल, असे तज्ज्ञांचे मत आहे.