सिनेसृष्टीत सध्या देवरा – भाग 1 या बहुप्रतीक्षित चित्रपटाच्या ट्रेलर लाँचची चर्चा आहे. मुंबईत पार पडलेल्या या भव्य लाँच इव्हेंटला प्रमुख कलाकार ज्युनियर एनटीआर, सैफ अली खान, आणि जान्हवी कपूर यांच्यासह दिग्दर्शक कोरताला शिवा, निर्माता करण जोहर आणि अपूर्व मेहता हजर होते. चित्रपटाच्या या लाँच इव्हेंटने फॅन्सची उत्सुकता अधिकच वाढवली आहे.
सैफ अली खान या चित्रपटात खलनायकाची भूमिका साकारत असून, हा त्याचा पहिलं तेलुगू चित्रपट आहे. विशेष म्हणजे, सैफनं त्याच्या संवादांसाठी स्वतः तेलुगू भाषेत डबिंग केलं आहे, जे प्रेक्षकांसाठी एक आकर्षण ठरणार आहे. ट्रेलरमध्ये सैफचा दमदार लूक आणि त्याची विलनच्या भूमिकेतली छाप स्पष्ट दिसून येते. त्याचं दमदार अभिनय पाहण्यासाठी चाहत्यांमध्ये उत्सुकता शिगेला पोहोचली आहे.
Here’s the #DevaraReleaseTrailer… Can’t wait for you all to experience DEVARA this Sept 27th! https://t.co/2rPdWizoBC
— Jr NTR (@tarak9999) September 22, 2024
देवरा हा चित्रपट जान्हवी कपूरचा पहिला तेलुगू सिनेमा आहे, आणि या चित्रपटात तिची महत्त्वपूर्ण भूमिका आहे. लाँच इव्हेंटमध्ये बोलताना जान्हवीने आपल्या तेलुगू चित्रपटात पदार्पणाला एक “घरी परतल्याचा अनुभव” असं संबोधलं. तिच्या चाहत्यांनी तिच्या या नव्या प्रवासाचा आनंद व्यक्त केला आहे.
या चित्रपटाच्या निमित्ताने ज्युनियर एनटीआर सहा वर्षांनंतर सोलो रिलीज करत आहे. आरआरआर या भव्य यशस्वी चित्रपटानंतर एनटीआरचा मोठा चित्रपट म्हणून देवराकडे बघितलं जातं आहे. ट्रेलरमध्ये ज्युनियर एनटीआरचा आकर्षक लूक, त्याचं जोरदार अभिनय आणि एक्शन सीन्स प्रेक्षकांच्या पसंतीस उतरण्याची खात्री आहे.
देवरा – भाग 1 चा ट्रेलर 22 सप्टेंबर रोजी मुंबईत प्रदर्शित झाला, ज्यामध्ये प्रेक्षकांना भव्यता, अ‍ॅक्शन आणि उत्कंठा यांचा एकत्रित अनुभव मिळाला. ट्रेलरमध्ये महत्त्वपूर्ण दृश्ये, ज्युनियर एनटीआरची अ‍ॅक्शन सीन्स, सैफ अली खानचा खलनायकी अंदाज, आणि जान्हवी कपूरचं भावनिक पात्र या सर्वांचा प्रभाव स्पष्टपणे जाणवतो. चित्रपटाचा सेट, दृश्य प्रभाव आणि संगीत प्रेक्षकांच्या मनात घर करतं.
भाग 1 हा चित्रपट 27 सप्टेंबर 2021 रोजी देशभरातील प्रमुख चित्रपटगृहांमध्ये आणि विविध भाषांमध्ये प्रदर्शित होणार आहे. यामध्ये तेलुगू, हिंदीसह इतर भारतीय भाषांमध्येही चित्रपट पाहता येणार आहे.
ट्रेलर पाहिल्यानंतर प्रेक्षक आणि चाहत्यांमध्ये चित्रपटाविषयीची अपेक्षा वाढली आहे. ज्युनियर एनटीआरच्या चाहत्यांसाठी हा चित्रपट एक पर्वणी ठरणार असून, त्याचा अभिनय, सैफ अली खानचं तेलुगू पदार्पण आणि जान्हवी कपूरच्या दमदार भूमिकेसाठी प्रेक्षक आतुरतेने वाट पाहत आहेत.