महाराष्ट्राच्या तंत्रज्ञान क्षेत्रातील आघाडीच्या शहरांपैकी एक असलेल्या पुण्यात आता डाटा सेंटरच्या निर्मितीची मोठी लाट आली आहे. यात आघाडीवर आहे जगप्रसिद्ध कंपनी मायक्रोसॉफ्ट. भारतातील वाढत्या डिजिटल बाजारपेठेचा लाभ घेण्यासाठी मायक्रोसॉफ्ट पुण्यात मोठ्या प्रमाणात डाटा सेंटर उभारणीकडे वेगवान प्रगती करत आहे.
डाटा सेंटर हे माहिती तंत्रज्ञानाच्या युगात आपल्या दैनंदिन जीवनाचा अविभाज्य भाग बनले आहे. आपण जेव्हा आपल्या फोनवर App उघडतो, व्हर्च्युअल क्लासरूममध्ये सहभागी होतो, मीटिंग करतो, फोटो जतन करतो किंवा ऑनलाईन गेम खेळतो तेव्हा आपण डाटा सेंटर वापरत असतो. अगदी स्थानिक व्यवसाय, सरकारी कार्यालय, हॉस्पिटल्स आणि शाळा देखील डाटा सेंटरवर अवलंबून असतात. या डाटा सेंटरमध्ये संगणयक, सर्व्हर आणि इतर संबंधित उपकरणांची मालिका असते जी मोठ्या प्रमाणात डाटा आणि माहितीची साठवण आणि प्रक्रिया करण्यास मदत करते.
मायक्रोसॉफ्टची भारतामध्ये आधीपासूनच Azure सेवा उपलब्ध आहेत. पुणे हे त्यापैकी एक प्रमुख स्थान आहे. याव्यतिरिक्त, कंपनीने नुकतेच चिंचवड परिसरात नवीन डाटा सेंटरच्या बांधकामाची घोषणा केली आहे. या नवीन डाटा सेंटरच्या बांधकामाचे काम 2024 च्या अखेरपासून सुरू झाले असून ते सध्या जोरदाररित्या सुरू आहे.
Both #Microsoft Data center in #Pune showing good construction progress. pic.twitter.com/UdaK2lVyCg
— Chandrashekhar Dhage (@cbdhage) May 20, 2024
या नवीन डाटा सेंटरची नेमकी क्षमता आणि ऊर्जा क्षमता सार्वजनिकरित्या उपलब्ध नसली तरी, हा प्रकल्प भारतातील वाढत्या क्लॉउड बाजारपेठेवर मायक्रोसॉफ्टचा विश्वास दर्शवितो. यामुळे पुण्यातील युवा आणि तंत्रज्ञान क्षेत्राला मोठ्या प्रमाणात संधी प्राप्त होण्याची शक्यता आहे.
पुण्याची मजबूत IT पायाभूत सुविधा, कुशल कामगार आणि देशातील इतर प्रमुख शहरांशी चांगले जोडून असलेले स्थान यामुळे ते भारतातील आघाडीच्या डाटा सेंटर हब्सपैकी एक बनण्याच्या मार्गावर आहे. मायक्रोसॉफ्टसारख्या आघाडीच्या कंपन्यांच्या गुंतवणुकीमुळे पुणे येथील डाटा सेंटर उद्योगाला आणखी चालना मिळण्याची शक्यता आहे. याचा फायदा फक्त पुण्यातील अर्थव्यवस्थेलाच नाही तर संपूर्ण राज्याला होणार आहे.
मायक्रोसॉफ्टच्या पुण्यातील डाटा सेंटरच्या आगमनाने भारताच्या वाढत्या डिजिटल अर्थव्यवस्थेला आणि माहिती तंत्रज्ञानाच्या विकासाला मोठा हातभार लागणार आहे. यामुळे पुण्यातील युवा आणि तंत्रज्ञान क्षेत्राला भरभरून संधी मिळणार आहे.