अजय देवगण आणि आर. माधवन यांच्या धमाकेदार अभिनयाने बॉक्स ऑफिसवर धुमाकूळ घातलेला ‘शैतान’ (Shaitaan) आता तुमच्या घरात येतोय! होय, प्रेक्षकांच्या उत्सुकतेला वेगळा अनुभव लाऊन देणारा हा सुपरनॅचुरल थ्रिलर चित्रपट लवकरच ओटीटी प्लॅटफॉर्मवर रिलीज होणार आहे.
‘शैतान‘ सिनेमागृहात प्रदर्शित झाल्यानंतर आता तो ओटीटीवर कधी पाहायला मिळणार याची प्रेक्षकांना उत्सुकता लागली आहे. असाधारण कमाई करणारा हा चित्रपट सामान्यतः थिएटर प्रदर्शनाच्या दोन महिन्यानंतर ओटीटीवर येतो. त्यानुसार, ‘शैतान’ मे महिन्यात नेटफ्लिक्सवर (Netflix) रिलीज होण्याची शक्यता आहे.
‘शैतान’ नेटफ्लिक्सवर 3 मे रोजी रिलीज होणार असल्याची चर्चा आहे. परंतु, अद्याप याबाबत कोणतीही अधिकृत घोषणा करण्यात आलेली नाही. येत्या काही दिवसांतच नेटफ्लिक्सकडून या चित्रपटाच्या ओटीटी रिलीजची घोषणा होण्याची शक्यता आहे.
विकास बहल दिग्दर्शित ‘शैतान’ हा 2024 चा गुजराती चित्रपट ‘वश’ (Vash) चा हिंदी रिमेक आहे. या चित्रपटात अजय देवगण आणि आर. माधवन यांच्यासोबत ज्योतिका आणि जानकी बोदीवाला यांच्याही धमाकेदार भूमिका आहेत. बॉक्स ऑफिसवर ₹200 कोटींहून अधिक कमाई करणारा हा चित्रपट प्रेक्षकांच्या पसंतीस उतरला आहे.