भारतीय चारचाकी वाहनांच्या विक्रीमध्ये मोठी उलथापालथ झाली आहे. टाटा मोटर्सच्या SUV ‘टाटा पंच’ ने भारताच्या सर्वाधिक विक्री होणा-या कारची मोहोर जिकून घेतली आहे. 2024 च्या पहिल्या तिमाहीत (जानेवारी ते एप्रिल) या कालावधीत टाटा पंचने जपानी आणि कोरियन प्रतिस्पर्ध्यांना मागे टाकून ही कमाल केली आहे.
ऑटोकार इंडियाच्या अहवालानुसार, आर्थिक वर्ष 2024 मध्ये (एप्रिल 2023 ते मार्च 2024) टाटा मोटर्सने 1.7 लाखांहून अधिक टाटा पंच विकले आहेत. या आकडेवारीवरूनच लक्षात येते की, भारताच्या कॉम्पॅक्ट SUV Segment मध्ये टाटा पंच वेगानं पुढे जात आहे. एप्रिल 2024 मध्ये विक्रीच्या आणखी आनंदाची बातमी टाटा मोटर्ससाठी आली. या महिन्यात तब्बल 19,158 युनिट्स टाटा पंचची विक्री झाली. ही गेल्या वर्षाच्या तुलनेत 75% वाढ आहे.
एप्रिल 2024 मध्ये टाटा पंच भारताची सर्वाधिक विक्री होणारी कॉम्पॅक्ट SUV ठरलीच नाही तर, सर्व कारच्या विक्रीमध्येही पहिली क्रमांकावर आली आहे. यामुळे भारतीय चारचाकी वाहनांच्या बाजारात टाटा पंचने मोठी झळाळी दाखवली आहे. टाटा पंचची लोकप्रियता वाढण्यामागचे कारण म्हणजे नुकत्याच लाँच झालेल्या सीएनजी आणि इलेक्ट्रिक व्हर्जन असल्याचे असे तज्ज्ञांचे मत आहे. भारतात इंधनाच्या वाढत्या किमतींमुळे सीएनजी वाहनांची मोठी मागणी आहे. त्याचबरोबर इलेक्ट्रिक वाहनांच्या दिशेने वाढणारा कल देखील या यशात साहजिकच सहभागी आहे. टाटा पंचच्या या दोन्ही पर्यायी इंधन पर्यायांमुळे ग्राहकांना आकर्षित करण्यात टाटा मोटर्स यशस्वी ठरली आहे.
फक्त आकर्षक इंधन पर्यायच नाही तर, टाटा पंचच्या टिकाऊपणा आणि सुरक्षिततेवरही ग्राहकांचा भरवसा बसला आहे. ग्लोबल NCAP चाचणींमध्ये टाटा पंचला 5 स्टार रेटिंग मिळाली आहे. त्यामुळेच भारतातील सुरक्षित कार्सच्या यादीमध्ये टाटा पंचचा समावेश होतो. टाटा मोटर्सच्या मजबूत विक्री नेटवर्कचा देखील या यशात मोठा वाटा आहे. भारत देशात टाटा मोटर्सचे मोठे विक्री नेटवर्क आहे. त्यामुळे ग्राहकांना सहजतेने कार खरेदी करण्याची आणि विक्री पश्चात सेवा मिळवण्याची सोय उपलब्ध होते.
टाटा मोटर्स आता आपल्या इतर मॉडेल्सच्या सीएनजी आणि इलेक्ट्रिक व्हर्जन्सवर लक्ष केंद्रित करत आहे. यामुळे आगामी काळात टाटा मोटर्सच्या विक्रीमध्ये आणखी वाढ होण्याची शक्यता आहे. भारतीय बाजारपेठेत इतर कार कंपन्यांसाठी ही मोठी आव्हानकारक आहे. ग्राहकांच्या बदलत्या गरजा आणि पर्यावरणाची काळजी यावर भर देऊन आपले उत्पादन अधिक आधुनिक बनवणे आता कार कंपन्यांसाठी आवश्यक आहे.
टाटा पंचच्या यशावरून हे स्पष्ट होते की, भारतीय ग्राहक आता केवळ किंमत आणि मायलेजकडेच लक्ष देत नाहीत तर, सुरक्षा, इंधनाची कार्यक्षमता आणि पर्यावरणाचा विचारही करतात. टाटा पंच या सर्व बाबींचा समतोल राखण्यात यशस्वी ठरली आहे. त्यामुळेच भारतीयांच्या मन जिंकण्यात तिला यश आले आहे.
टाटा पंच ही फक्त एक कार नाही तर, भारतीय कार बाजारात आलेला मोठा बदल आहे. टाटा मोटर्सने आगामी काळात ग्राहकांच्या गरजा आणि पर्यावरणाची काळजी लक्षात घेऊन आणखी आधुनिक कार्स बाजारात आणाव्यात अशी अपेक्षा आहे.