आगामी काळात झंझाळून टाकणारा ‘रजाकार’ या चित्रपटाचा ट्रेलर नुकताच प्रेक्षकांच्या भेटीला आला आहे. भारताच्या स्वातंत्र्यलढ्याच्या पार्श्वभूमीवर आधारित या चित्रपटाला प्रेक्षकांची मोठी उत्सुकता लागून आहे.
हैद्राबाद संस्थानाच्या स्वातंत्र्यलढ्यावर प्रकाश टाकणारा हा चित्रपट गुडूर नारायण रेड्डी यांनी निर्मित केला असून दिग्दर्शन यता सत्यानारायण यांनी केलं आहे. तेज सपरु, मकरंद देशपांडे, बॉबी सिंहा, राज अर्जुन, अनुसूया आणि इंद्राणी यांच्यासह अनेक तगड्या कलाकारांचा या चित्रपटात सहभाग आहे.
ट्रेलरमध्ये स्वातंत्र्यपूर्व काळातील हैदराबाद संस्थानातील हिंदू-मुस्लिम दंगलीचा थरार दाखवण्यात आला आहे. ट्रेलरमध्ये ‘न मेजॉरिटी पीपल स्टेटवास म्हणून बहुसंख्य हिंदू आहेत. सगळे हिंदुस्तानालाचं एकच स्वप्न आहे. तर धर्म बदलून घ्यावा लागेल किंवा हे राज्य सोडून जावं लागेल’ असा निजामचा फर्मान ऐकू येतो. यावर भारताच्या सरदार पटेलांचं पत्र दाखवून ‘हैदराबाद अखंड भारताचं हृदय आहे. युद्ध तर करावं लागेल’ असं सांगण्यात येतं.
ट्रेलरमध्ये दाखविल्याप्रमाणे, हा चित्रपट स्वातंत्र्यपूर्व काळात हैदराबादमध्ये घडलेल्या धार्मिक दंगली आणि भारतात विलीनीकरणाच्या चळवळीचा इतिहास रुपेरी पडद्यावर उलगडणार आहे.
‘रजाकार’ या चित्रपटाचा ट्रेलर लाँच झाल्यापासूनच त्याच्या कथेची चर्चा सुरू झाली आहे. हा चित्रपट हैदराबाद संस्थानाच्या स्वातंत्र्यलढ्यावर प्रकाश टाकणार असला तरी त्याच्या कथेच्या निष्पक्षतेवरून प्रश्न उपस्थित केले जात आहेत. काही तज्ज्ञांच्या मते हा चित्रपट इतिहास अतिशयोक्तीपूर्ण दाखवून हिंदुत्वाचा प्रचार करण्याचा प्रयत्न करत आहे.
दुसरीकडे, चित्रपटाच्या निर्मात्यांचं म्हणणं आहे की हा चित्रपट फक्त मनोरंजनात्मक नसून तो एक ऐतिहासिक वास्तव दर्शवितो. स्वातंत्र्यलढ्यात हिंदू समाजाला सहन कराव्या लागलेल्या त्रासाची मांडणी या चित्रपटात केली जाणार असल्याचं त्यांचं म्हणणं आहे.
हे असं असलं तरी हा चित्रपट कितपत वास्तविक घटनांवर आधारित आहे आणि कितपत काल्पनिक आहे यावरून वादाची ठिणगी पडली आहे. यामुळेच प्रदर्शनाआधीच हा चित्रपट चर्चेच्या केंद्रस्थानी आला आहे.