बॉलिवूड सुपरस्टार अक्षय कुमार आणि दिग्दर्शक प्रियदर्शन तब्बल 14 वर्षांनंतर पुन्हा एकत्र आले आहेत. यावेळी त्यांची जोडी एक ‘हॉरर-कॉमेडी’ चित्रपटासाठी तयारी करत आहे. प्रियदर्शन-अक्षय कुमार यांच्या जोडीची जादू पुन्हा एकदा पडद्यावर अनुभवायला मिळणार याची चाहत्यांमध्ये मोठी उत्सुकता आहे.
‘भूत बंगला‘ हा एक हॉरर-कॉमेडी चित्रपट असून त्याचे प्रदर्शन 2025 मध्ये होणार आहे. हा चित्रपट एकता आर कपूर यांच्या बालाजी टेलीफिल्म्स लिमिटेड अंतर्गत निर्मित होत आहे.
अक्षय कुमार यांनी आपल्या वाढदिवसानिमित्त 9 सप्टेंबर 2024 रोजी या चित्रपटाचा मोशन पोस्टर शेअर केला. या मोशन पोस्टरमध्ये त्यांचा भूत बंगलातील रूप दर्शविण्यात आला आहे.
Thank you for your love on my birthday, year after year! Celebrating this year with the first look of ‘Bhooth Bangla'! I’m beyond excited to join forces with Priyadarshan again after 14 years. This dream collaboration has been a long time coming… can’t wait to share this… pic.twitter.com/2Wnim0mWBu
— Akshay Kumar (@akshaykumar) September 9, 2024
हॉरर-कॉमेडी हा सध्याच्या काळात प्रेक्षकांच्या पसंतीस उतरणारा एक नवीन ट्रेंड आहे. याआधी आलेल्या भुलभुलैया सारख्या चित्रपटाने या शैलीला नवीन उंचीवर नेले होते, आणि आता या नवीन चित्रपटातही तसाच थरार आणि हसू यांचा संमिश्र अनुभव प्रेक्षकांना मिळणार आहे. अक्षय कुमारने आपल्या विविध भूमिकांमधून प्रेक्षकांना सतत नवीन काहीतरी दिले आहे, आणि प्रियदर्शन यांचा डायरेक्शन नेहमीच मनोरंजनाची खात्री देतो.
प्रियदर्शन आणि अक्षय कुमारने एकत्रितपणे अनेक हिट चित्रपट दिले आहेत. हेराफेरी (2000), गरम मसाला (2005), आणि भुलभुलैया (2007) हे त्यातील काही अजरामर चित्रपट आहेत. त्यांच्या या चित्रपटांनी प्रेक्षकांच्या मनावर गारूड केलं असून, आता १४ वर्षांनंतर या दोघांची जोडी पुन्हा एकदा नवा धमाका करण्यास सज्ज आहे. 2010 मध्ये आलेल्या खट्टा मीठा हा त्यांचा शेवटचा चित्रपट होता, ज्याने समाजातील विविध मुद्द्यांवर विनोदी पद्धतीने प्रकाश टाकला होता.
अक्षय कुमार हे बॉलीवूडचे सर्वाधिक कमाई करणारे अभिनेते आहेत. त्यांच्या अभिनय कौशल्याला चाहत्यांचा मोठा चाहता वर्ग आहे. त्यांच्या या नव्या चित्रपटात त्यांच्या अभिनयाची अपेक्षा चाहत्यांना आहे. ‘भूत बंगला’ हा चित्रपट एक नवीन विषय घेऊन येत आहे. हॉरर आणि कॉमेडीचे मिश्रण असलेला हा चित्रपट प्रेक्षकांना नक्कीच मनोरंजन करेल.
अक्षय कुमार आणि प्रियदर्शन यांची जोडी 14 वर्षांनी पुन्हा एकत्र आल्याने प्रेक्षकांची उत्सुकता शिगेला पोहोचली आहे. हॉरर आणि कॉमेडीचा भन्नाट मेळ पाहण्यासाठी प्रेक्षक आतुर आहेत. या चित्रपटाबद्दल अधिक तपशील लवकरच समोर येईल, तोपर्यंत चाहत्यांनी फक्त थोडी प्रतीक्षा करावी लागणार आहे.