भारतातील सब-४ मीटर सेडान श्रेणीत होंडा अमेझ एक विश्वासार्ह नाव आहे. आता या कारची तिसरी पिढी ४ डिसेंबर २०२४ रोजी लाँच होणार आहे. ही कार नव्या डिझाइनसह आणि सुधारित वैशिष्ट्यांसह बाजारात उतरणार आहे, जी मारुती डिझायर, ह्युंदाई ऑरा आणि टाटा टिगॉर यांना टक्कर देईल.
होंडा अमेझच्या तिसऱ्या पिढीचे डिझाइन आंतरराष्ट्रीय बाजारातील होंडा सिटी आणि आकॉर्ड यावर आधारित आहे. कारच्या पुढील भागाला आधुनिक लूक देण्यात आला आहे. ड्युअल-पॉड एलईडी हेडलाइट्स, हनीकॉम्ब पॅटर्न ग्रिल आणि क्रोम बार यामुळे ती स्टायलिश दिसते. याशिवाय, मागील भागात रॅपअराउंड एलईडी टेललाइट्स आणि अ‍ॅग्रेसिव्ह रिअर बंपर आहे.
The Honda Amaze legacy lives on. With every generation, it has set a new standard in style & sophistication. Now, as we gear up for the third generation, excitement is at an all-time high. Stay tuned – a bold new chapter is about to begin.#AmazeSketchReveal #HondaCarsIndia pic.twitter.com/PXFYnbkGTR
— Honda Car India (@HondaCarIndia) November 11, 2024
कारच्या आतील भागात ब्लॅक आणि बेज रंगाचे उत्कृष्ट इंटीरियर आहे. डॅशबोर्डवर फ्री-स्टँडिंग टचस्क्रीन, प्रीमियम साउंड सिस्टम, वायरलेस फोन चार्जर, आणि सेगमेंट-फर्स्ट अडव्हान्स ड्रायव्हर असिस्टन्स सिस्टिम (ADAS) असण्याची शक्यता आहे. या वैशिष्ट्यांमध्ये लेन-कीप असिस्ट, ६ एअरबॅग्स, इलेक्ट्रॉनिक स्टॅबिलिटी कंट्रोल (ESC), आणि PM2.5 एअर फिल्टर यांचा समावेश होऊ शकतो.
होंडा अमेझमध्ये १.२ लिटर, ४ सिलिंडर पेट्रोल इंजिन असेल, जे ९० पीएस पॉवर आणि ११० एनएम टॉर्क निर्माण करते. ही कार ५-स्पीड मॅन्युअल किंवा CVT ऑटोमॅटिक ट्रान्समिशनसह उपलब्ध होईल. याशिवाय, भविष्यात सीएनजी प्रकारदेखील सादर होऊ शकतो.
नव्या होंडा अमेझची अपेक्षित किंमत ₹७.५ लाख (एक्स-शोरूम) पासून सुरू होईल. ती मारुती डिझायर, ह्युंदाई ऑरा, आणि टाटा टिगॉर यांसारख्या प्रतिस्पर्ध्यांना जोरदार टक्कर देईल. होंडा अमेझच्या या नव्या पिढीकडून ग्राहक मोठ्या अपेक्षा ठेवत आहेत, विशेषतः त्याच्या सुधारित डिझाइन आणि वैशिष्ट्यांमुळे.
४ डिसेंबरच्या लाँचिंगनंतर, होंडा अमेझने भारतीय बाजारात किती मोठा प्रभाव पाडला हे पाहणे महत्त्वाचे ठरेल. जर तुम्हाला एक अत्याधुनिक आणि विश्वासार्ह सेडान पाहिजे असेल, तर नव्या अमेझकडे नक्की लक्ष द्या.