प्रसिद्ध यूट्यूबर आणि उद्योजक रणवीर अल्लाहबादियाचा यूट्यूब चॅनेल हॅक झाल्याची बातमी समोर आली आहे. ‘बिअर बायसेप्स’ आणि ‘द रणवीर शो’ या दोन लोकप्रिय चॅनेल्सना हॅकर्सनी लक्ष्य केले आणि चॅनेलचे नाव बदलून, सर्व व्हिडिओ हटवले. हे प्रकरण 25 सप्टेंबर 2024 रोजी घडले असून, हॅकर्सनी चॅनेलचे नाव “@Elon.trump.tesla_live2024” आणि “@Tesla.event.trump_2024” असे ठेवले आहे.
रणवीर अल्लाहबादियाच्या चॅनेलवर हॅक झाल्यानंतर, त्यावरील सर्व मुलाखती आणि पॉडकास्ट्स हॅकर्सनी डिलीट केल्या. या हॅकिंगमुळे दोन्ही चॅनेल्सवरील व्हिडिओ हटवण्यात आले आहेत. तसेच, चॅनेलवर ‘एलॉन मस्क’ आणि ‘डोनाल्ड ट्रम्प’ यांची एआय-निर्मित व्हिडिओ क्लिप्स प्रसारित करण्यात आल्या, ज्यामध्ये बनावट क्रिप्टोकरन्सी गुंतवणुकीच्या जाहिराती होत्या.
Thoughts I've had about having children :
— Ranveer Allahbadia (@BeerBicepsGuy) September 24, 2024
1. Perhaps having kids is the 4th most important aspect of a human birth. The others being :
– Spiritual growth.
– Taking care of your parents
– Giving back to society, through your work.
2. I'm sure that the birth of your kids makes… pic.twitter.com/ftQLUc6pbD
रणवीरचे यूट्यूबवर 12 दशलक्षाहून अधिक सबस्क्राइबर्स असून, या घटनेने त्याचे चाहते आणि अनुयायी मोठ्या धक्क्यात आहेत.
या हॅकिंगनंतर रणवीरने आपल्या इंस्टाग्रामवर एक गूढ पोस्ट करत चाहत्यांना यावर विनोदी प्रतिक्रिया दिली. त्याने लिहिले, “माझ्या यूट्यूब कारकिर्दीचा शेवट झाला आहे का? तुम्हा सर्वांना भेटून आनंद झाला,” आणि विनोदाने हे देखील म्हटले की, तो सध्या या घटनेवर आपल्या आवडत्या व्हेगन बर्गरने सांत्वन घेत आहे.
रणवीरने अजून अधिकृतपणे यावर काही भाष्य केले नसले, तरी त्याच्या चाहत्यांना त्याच्या चॅनेल्सच्या पुनर्बहालची प्रतीक्षा आहे.
अलीकडील काळात अनेक प्रसिद्ध यूट्यूबर्सना सायबर हॅकर्सचे लक्ष्य बनवण्यात आले आहे, आणि रणवीर हा त्या यादीतील एक नवीन बळी ठरला आहे. यूट्यूबवरील हॅकिंगच्या या घटनांनी युट्यूब क्रिएटर्सना त्यांच्या खात्यांचे संरक्षण करण्याबाबत अधिक सजग केले आहे.
रणवीरच्या चाहत्यांनी आणि अनुयायांनी युट्यूबवर त्याचे चॅनेल्स पुन्हा सुरळीत होण्यासाठी प्रार्थना केली आहे, आणि यूट्यूब प्रशासनाने या हॅकिंगला कसे सामोरे जाणार, हे पाहणे महत्त्वाचे ठरणार आहे.